“Малиновка” ЮХИДИ постында сыер алып бара торган машина туктатыла
Татарстан Республикасы буенча Россельхознадзор күзәтү идарәсенең дәүләт ветеринар күзәтчелеге бүлегенең дәүләт инспекторы тарафыннан Татарстан Республикасы буенча Эчке эшләр министрлыгының “Малиновка” ЮХИДИ постында Удмуртия Республикасыннан Чувашия Республикасына 3 баш сыер алып бара торган машина туктатыла. Тикшерү барышында терлекнең чыгышын, иминлеген раслый торган ветеринария документларының юклыгы ачыклана. Йөк йөртүче зат үз гамәлләре белән кеше һәм хайваннар өчен гомуми булган авырулар таралу куркынычын тудыра, ягъни Россия Федерациясе Авыл хужалыгы министрлыгының «Ветеринария документларын бирү эшен оештыру кагыйдәләрен раслау турында»гы 2016 елның 27 декабрендә кабул ителгән 589 номерлы боерыгын боза.
Тикшерү нәтиҗәләре буенча хокук бозучы административ жаваплылыкка тартылды. Тиешле ветеринария документларын алу өчен йөк чыгарылган пунктына кире кайтарылды.